Moaie Repko Sportprijzenpartij mei krânsen foar Janna, Tessa, Eelco, Imme Klaas en Elbrich - 2

It wie in lange mar moaie en waarme middei dy't trochsette oant djip yn 'e jûn, doe't de junioaren om goed healwei âlven de lêste bal slein hienen. De fjilden leinen fol, it paste allegearre krekt en sa kin de organisaasje weromsjen op in prachtige keatsdei.

Jeugd

De fjouwer partoeren famkes en jonges kamen nei in heale kompetysje ta in oerwinning foar Imme Klaas Kievit en Hendrika Stegenga. Nei twa oerwinnings moasten se noch even flink oan 'e bak tsjin Jiska Altenburg en Jetske Zijlstra. Dizze beide froulju joegen flink partij en joegen pas belies op 5-5 6-2. At se de partij wûn hienen, wienen se op tsjinearsten noch de boat yngien, mar dochs...

Junioaren

Yn dizze moaie klasse mei 7 partoeren wurke de tiid wat yn 't neidiel. Ruurd Oosterbaan, Elbrich Kooistra en Martzen Gerbrandy wûnen yn in moaie finale fan Sytze Jan Vries, Jorrit de Jong en Nynke Groenveld op 5-4 6-6. En doe't dy dien wie moast de ferliezersfinale noch los. En dan soest sizze: begjin mei spullen gelyk, mar nee... Alle earsten waarden meinommen en it wie wol geselllich achter de perken. Op 5-5 6-4 wie  de winst krekt noch foar Jurjen Hiemstra en Jeffrey van der Werf. Marcel de Groot, Berber van der Goot en Norah ten Brink stienen dêrtroch yn de djippe jûntiid mei lege hannen.

De útslaggen

Skoaljeugd  (8 partoeren)

1. Sybren Strikwerda (Itens) en Marije Poelsma (Reahûs)

2. Marrit Hoekstra (Skearnegoutum) en Marrit van der Weij (Easterein)

Ferliezersrûnte

1. Fenne Sijbesma (Easterein) en Sanne van Dijk (Reduzum)

Jeugd (4 partoeren)

1. Hendrika Stegenga (Balk) en Imme Klaas Kievit (Sibrandabuorren)

2. Jiska Altenburg (Reahûs) en Jetske Zijlstra (Spears)