Groep 45+ hat in moai ôfslutend Muorrekeatstoernoai 

Martsen van der Goot en Minke Tjalsma dogge beide de HAVO op it Bogerman yn Snits. As stúdzje-opdracht fan BSM (Bewegen Sport en Maatschappij) hienen se it organisearjen fan in muorre-keatstoernoai betocht. It sifer soe meitelle foar it eksamen fan dit jier. De learaar kaam fansels sels even del om te sjen hoe't de froulju it allegearre dwaan soenen.  

De eask wie dat der minimaal 10 minsken meidwaan moasten en dat slagge gelokkich presiis! De froulju hienen lotte mei it kompjûterprogramma fan Nolke Bergstra en sa wie der in moaie list makke: twa tsjin twa.

Oan it begjin fan it toernoai hjitten de froulje de spilers netsjes wolkom en leinen se út wat de bedoeling wie. Dêrnei koe it spul los! Mar dit wienen net samar wat freedtejûnspartijtsjes, nee, hjir gie it om de prizen. Martsen en Minke hâlden sels de punten by mei it flapboerd fan it follybal. Sa gie it allegearre hiel flot en sportyf. (Wy hearden letter dat der foar Martsen en Minke een moai sifer útkommen is!)

Dit wie de einstân

Bûten de prizen foelen spitich genôch: Wiebe Bakker, Hetsche Boonstra, Luutske Dotinga, Marco van der Goot,  

Jan de Groot, Yvonne Postma en Keimpe Talsma.