Koarte ledegearkomste mei as 'toetje' in dynamyske Muzykbingo

It wichtichste agindapunt wie de bestjoersferkiezing. Wytske Boschma, hielendal rjochts de boppesteande foto, waard sûnder problemen foar in nije perioade beneamd. Applaus dus. Marten Molenmaker stelde him beskikber foar de kaskommisje nêst Sipke Dotinga. Der wurdt ûndersyk dien nei it opknappen fan de keatskantine. Harmen van Gelderen lies, nei wat mikrofoanperikels, syn ferslach oer it ôfrûne seizoen foar.

By it lêste agindapunt - it omfreegjen - rikte Harmen de 

út oan Marcel de Groot en Riemy Reitsma de Repkobekers út. De winner fan it Veneboerklassemint, Keimpe Talsma, wie der net. Dy krijt de beker op in oar momint. 

En sa wie de gearkomste nei 33 minuten dien.

Dit waard it hiele hilariteit mei in protte gelûden. De 'mistery guest' bestie út twa persoanen: Gerben Wierda en Wytse Symen Boschma. Sy dienen fakkundich de presintaasje en drukten op knopkes. Ja, hoe goed binne jo mei muzyk. Faak herkenst de melody wol, mar hast gjin idee fan titel of tekst. Gelokkich wie it tastien om elkoar te helpen, it waard yn elk gefal net ferbean. 

En sa kaam it dus dat minsken dy't it allinnich lang net rêden hienen dochs in priis wûnen. Wy doare Sipke Dotinga, Rimmer Osinga, Johannes de Jager en Herman van Vilsteren as foarbylden dêrfan te neamen, mei it risiko dat wy it mis hawwe fansels. 

Marcel de Groot wûn de grabbeltûnepriis, mar wy hawwe gjin idee wat dy priis wie.  It wie in tige slagge jûn. It kin wol wer in kear. En oars Oud-Hollandse Spelen.