Kabouter Age pakt de krâns by welpen op de Thúsbliuwerspartij 

En sa wie it wer tiid foar de Thúsbliuwerspartij. It is fansels in nuvere namme, want dat 'thúsbliuwen' jildt yn dit gefal foar de earste wike fan de skoallefakânsje. Wa wit watfoar reizen de bern noch meitsje sille. 

Mei elkoar 25 bern kamen yn aksje op dizze moaie freedtemiddei.

Wy witte noch dat Digna van Dijken mei de Lytse Hab Partij har earste krâns wûn. En no? No, by de A-kabouters waard it har 2de! Yn har pûltsje fan 4 bern wûn sy alle partijen! Remon Wiersma en Jelke Holtrop hienen beide 16 punten, mar Remon hie 13 tsjinearsten en Jelke 16. De 2de priis wier dus foar Remon! Einliks wie dat ek terjochte, want de ûnderlinge partij wûn Remon op 5-5 6-6!  

Hjir ek 4 bern en in moai pûltsje fan 4. Janna Abma wûn alle partijen, mar dat gie net fansels. De lêste partij, tsjin Herre Winia wûn se pas op 5-5 6-6! De 2de priis waard op tsjinpunten beslist tusken Herre en sus Nyncke. En dy priis gie nei Nyncke Winia, want sy hie op 5-5 6-2 fan Herre wûn.  

By de 4 partoeren welpen dienen  3 kabouters mei en alle 3 pakten se in priis! De 1ste priis wie foar ús Skearnegoutumer lid Jesper Boersma, dy't mei Age Bakker  keatste. Tegearre wûnen se alle partijen mei mar 8 earsten tsjin! De oare 3 partoeren wûnen allegearre mar ien partij: de bêsten fan dizze rest wienen broer en sus Jildert en Feija Bakker. Sy makken it Jesper en Age it noch it dreechst: 5-4 6-2!

Hjir wienen ek 4 partoeren en hjir wie ek ien partoeren dat alles wûn: Esther Lootsma en Patrick Feenstra. En sy hienen ek mar 8 earsten tsjin. Fertsjinne dus. In moaie 2de priis wie foar Jitse Bakker en Mare van der Goot. Yn de beslissende partij tsjin Esther en Patrick waard it 5-1 6-6-4.  

 

1. Janna Abma  2. Nyncke Winia 

(foto boppe)

Welpen (4 partoeren) 

1. Jesper Boersma en Age Bakker 

2. Jilder Bakker en Feija Bakker

(foto ûnder)