Freed 11 septimber Slotpartij leden jeugd

Op 11 september 2026 om 16:00 uur

locatie: Goaiïngea

Sneon 12 septimber Nachtkeatsen leden senioaren

Op 12 september 2026 om 20:00 uur

locatie: Goaiïngea

bekijk de hele agenda

It lytste Muorrekeatstoernoai sûnt 2016: en dochs wie it leuk

zondag 30 november 2025

Gjin A- en B-klasse

Dat wie wol de bedoeling, want 8 minsken hienen har opjûn. En dat hie dan krekt kind, 4 op it A-fjild en 4 op it B-fjild. Spitich genôch hie 1 persoan har/him koart foar it begjin ôfmelden: en die wienen der noch 7 yn Sporthal 'it Mingeltsje' yn Sibrandabuorren, 5 mannen en 2 frouwen (werûnder twa Europeeske kampioenen). Mar dêr koe it lottingsprogramma fan lieder Nolke Bergstra him wol mei rêde. Dat programma hâldt rekken mei it nivo fan elke spiler en regelt dat de twa sterksten net tsjin de twa minst sterken útkomme (hiel inkeld bart dat wól!).

Moatte wy earst ek noch sizze dat fan de froulju fan tiisdei net ien har op jûn hie. It is wat..... Mar, en dat moat sein wurde, dizze froulju hienen wol de prizen regele!

Jelmer Drijfhout wint

Mar goed, it waard in moaie balslaanderij. Elk spile 6 partijen en de twa toppers Jelmer Drijfhout en Evert Sijbesma mochten as lêsten noch 1 tsjin 1 spylje. In prestiizjepartij, dy't mei 21-20 troch Evert wûn waard.

Ja, en doe koe de einstân opmakke. Dat it lottingsprogramma wurket en soarge hat foar in sûne nivelearring joech dy einstân wol oan: net ien wûn alle 6 partijen, ja, der wienen trije mei 4 kear winst, en de rest wûn 1 o/m 3 kear.

Nolke Bergstra rikte de prizen út