In LINTSJE foar Harm van Gelderen

It lintsje foar Harm wie in komplete ferrassing foar Jannie en him op freed de 24ste april. Dat jildt grif minder foar de leden fan ús keatsferiening, want at jo ris besykje te beneamen wat hij allegear foar de feriening fan 1983 ôf betsjutten hat en noch betsjut? Sekretaris, wedstriidsekretaris, ledeadministrateur, redakteur, webmaster, skoalkeatsen, jubileumboeken, klubfotograaf en yn in fier ferline wie Harm ek noch sekretaris fan de Hurde Hân yn De Jouwer. En der is bûten dy keatsaktiviteiten noch folle mear te neamen! Dêrom ferskynde de boargemaster ôfrûne freedtemiddei oan 'e doar fan huize van Gelderen. Lokwinske Harm!