Foute Johannes de Jagerpartij - wer in grut súkses

Goed ien oere gienen de 4 AB-partoeren en de 12 BC-partoeren los. In moai oantal wie ferkeard ferklaaid, dy hienen gewoane sportklean oan. Oaren hienen wol harren bêst dien en seagen der opfallend moai út. Ta persoan mei de moaiste outfit waard Nolke Bergstra útroppen. Hy wie Maja de Bij of Willy de Wesp en hâlde dat de hiele middel fol! Dat levere him in ektra krâns op (foto rjochts)!

De twa ûnderste partoeren fan de BC moasten earst tegearrre keatste: Marrit Oosterbaan en Anne Sjoukje tsjin Jorrit de Jong en Yme Walstra. Dat wûnen Marrit en Anne Sjoukje op 5-4 6-6 en se mochten dus troch en krigen der Esmee Suierveld by, dy't nei ferlies op 5-5 6-6 tsjin de lettere winners (dêroer letter mear) it gelok hie om letter mei dizze beide froulju in kompleet partoer te foarmjen. En hoe... 

Tuskentroch hie Wytse Hospes spesjaal syn seine fan hús helle om it gers yn 'e berm by de sleat te meanen om sadwaande in bal finen te kinnen. Der rêste gjin blykber gjin 'seine' op, want de bal waard net fûn.  

Op 5-5 6-6 wûnen Johannes de Jager, Klaas Fokke Plantinga en Anthe Boonstra fan Jarno Stok ('broerke' fan Maureen), Esmee Suierveld en Wytse Hospes. De lêsten moasten dêrnei wer flink oan 'e bak tsjin Jelke Hindrik de Vries, Kristia Dotinga en Marten Molenmaker (ferlies op 5-4-6-4) en mochten dêrnei nei hûs, behalve Esmee dus, dy't bylotte waard.

De Jager c.s setten troch en it wie net maklik. It 'lange perk' fan Johannes en Klaas Fokke wie min te bespyljen, én se hienen de ûnfersteurbere Anthe Boonstra derby as opslachster. It net snotterige trio Peter Bootsma, Rigt van der Velde en Catrinus Kooistra fersloegen se mar krekt op 5-5 6-0 en op 'e trije ûndergie it sterke partoer fan Corné Langeberg, Wytse Symen Boschma en Rixt Velstra itselde lot: 5-5 6-4. (De lêsten hienen net in priis, mar krije wol in punt foar de Repkobeker!)

Ferrassend, dat mei sein wurde.  Nei winst yn de twadde omloop op it ek komplete frouljustrio Aaltsje Kroes, Femke Terpstra en Rixt Oosterhaven (5-3 6-4) hienen se it gelok fan in steand nûmer op 'e trije.  Se hienen dus wat mear 'lucht' as De Jager c.s., dy't dreech keatst hienen en ek noch in omloop mear. Alles moast út 'e kast. En sa barde it dat Johannes, Klaas Fokke en Anthe op 5-4 6-6 de partij beslisten. Foar Anthe wie it de earste krâns yn har jonge bestean. Gelokkich hawwe de trije oare froulju al earder in 'hage' hân, oars hie it wat sneu west.

Jelke Hindrik de Vries, Kristia Dotinga en Marten winne fertsjinne de ferliezersfinale

Sy moaten dêr tsjin Herre Cnossen, Jelmer Molenaar en Germ Bergstra. Cnossen c.s. joegen knap tsjinstân en bûgden de holle pas op 5-4 6-2.

Hjir wienen fjouwer partoeren makke mei hiel wat ferskaat. en it bleau oan 'e ein ta spannend. Nei twa omlopen hie net ien partoer de folle winst helle. Sytze Jan de Vries, Andrea Kroes en Eline van Dijkhuizen stienen der noch it bêste foar mei 12 punten, mar dy 'sakken troch it iis' tsjin it 'ontketende' partoer fan  Jouke Dotinga, Nolke Bergstra en Martsen van der Goot: 5-1 6-2. 

De oare partij wûnen  Wybren Jorritsma, Jurjen Hiemstra en Marcel de Groot op 5-4 6-6, mar dat wie net genôch om Dotinga c.s fan de krânsen ôf te hâlden. 

Neame wy noch Wybren Jorritsma en Femke Terpstra. Hy nimt syn 2de priis mei nei Denemarken, dêr't hy mei syn Femke Terpstra nei ta emigrearje sil. 'Emigreren moet je leren', seit in sprekwurd (sels betocht), mar Wybren hat der earder al west. (Foto, doe't it even wat snjittere) 

1. Jouke Dotinga-Nolke Bergstra-Martsen van der Goot

2. Wybren Jorritsma, Jurjen Hiemstra en Marcel de Groot

BC-klas (12 partoeren)

1. Johannes de Jager-Klaas Fokke Plantinga-Anthe Boonstra

2. Marrit Oosterbaan-Esmee Suierveld-Anne Sjoukje Leenstra

1. Jelke Hindrik de Vries-Kristia Dotinga-Marten Molenmaker

2. Herre Cnossen-Jelmer Molenaar-Germ Bergstra