Duo's Evert-Berber en Arjen-Sanne winne moai Pearkekeatsen yn Goaiïngea

Om 11 oere moarns begong de keatserij mei prachtich waar,, dit kear net yn in oar doarp, mar gewoan 'thús' yn Goaiïngea. Nei in net al te lange dei en in moaie keatserij waarden de  prizen útrikt ünder ferantwurlikheid fan de frouljus- en manljuskommisje (fotohjirûnder).

Yn de A-B-klas wûn it sterke duo Evert Sijbesma en Berber van der Goot, dat koe hast net misse. Yn de finale krigen Marcel de Groot en Rigt van der Velde (wer in kear yn aksje!) mar in spul.

De ferliezersfinale waard wûn troch it koppel Norah ten Brink en Sytze Jan de Vries, yn in spannende partij tsjin Rixt Oosterhaven en Jouke Dotinga, 5-4 6-6.

Dizze minsken hienen in omloop mear keatsen foar in priis. Yn de finale wûn it Raerder duo Arjen van der Ploeg en Sanne van Vilsteren yn in walk-over-partij.  Jacob Dotinga en Antsje Kievit, al in pear jier in fêst pearkekoppel, dienen it prima de hiele dei, mar yn de finale bleauwen se op de nul stean, 5-0 6-6.

De ferliezersfinale gie tusken it span Esmee Suierveld en Marije Jonker en it duo Gerben Wierda en Rianna Fopma (dêr is se wer, ien kear yn 't jier en in priis!). Gerben en Rianna wûn dat treffen op 5-2 6-2. 

 In lytse ploech, mei foaral priiswinners, bleau noch lang neisitten bûtendoar. Om it waar koe it prima!  

1. Arjen van der Ploeg en Sanne van Vilsteren

2. Jacob Doitnga en Antsje Kievit

1. Gerben Wierda en Rianna Fopma

2. Esmee Suierveld en Marije Jonker