De Johannes de Jager-Foute Ledepartij mei sterke winners

In ferklaaierspartij, midden yn 'e simmer - it waar wie hjoed prachtich - en dan moatst dy net te dik ferklaaie. Nee, doch dan mar as Sjoerd Dijkstra yn syn flinterjurkje. En hy wûn de publykspriis dermei, mar der wienen mear leuke kréaasjes. Plysjes, boa's, lederhosen ensafh. 

By de A-B's wienen Michel Nesse, Arjen Radix en Jan de Groot (hy hie wat in deegliker jurk oan as Sjoerd), krekt werom fan fakânsje en altyd goed om syn maten wat te coachen. Trije partijen spilen se en trije partijen wûnen se. De beslissende pot tsjin Timen van Gelderen, Jelmer de Jong en Wybren Jorritsma wûnen se op 5-0 6-4.

En dy gie tusken it trio  Jorrit de Jong, Maureen Stok en Anouk Suierveld en it trijetal Maaike Faber, Esmee Suierveld en Petra Fekken. Twa sterke perken! En in striid tusken twa sussen. Anouk hat it keatsen wer wat oppakt en slacht noait in bal bûten, mar se binne wol wat moai en dêr profitearren Maaike en Anouk fan. Mei it oare perk gie it wat minder. En sa pakten Maaike, Esmee en Petra in 5-3 foarsprong. En dan útmeitsje fansels. Mar sa gie it net. Maureen kaam op slach foaryn en stadichoan kamen Jorrit, Maureen en Petra tichterby. It wurdt 5-5 en dan kin alles wer, soest sizze. Mar de lech wie derút by Maaike en har maten. Op 5-5 6-2 wie it dien.

De ferliezersfinale waard wûn troch Arjan Mutsaers, Corné Langenberg en Antsje Kievit. Johannes de Jager - samar ynienen SPONSOR fan dizze partij -, Imme Klaas Kievit en Rixt Velstra hienen gjin antwurd, 5-2 6-6. 

A-B-klas (4 partoeren)

1. Michel Nesse, Arjen Radix en Jan de Groot

2. Timen van Gelderen, Jelmer de Jong en Wybren Jorritsma

1. Jorrit de Jong, Maureen Stok en Anouk Suierveld

2. Maaike Faber, Esmee Suierveld en Petra Fekken

1. Arjan Mutsaers, Corné Langeberg en Antsje Kievit

2. Johannes de Jager, Imme Klaas Kievit en Rixt Velstra