Bern-âlderkeatsen, it wie wer âlderwetsk!

De tradysje is âld, it Alder-bernkeatsen op Himelfeartsdei. De edysje 2025 sit der wer op en as ik it sa besjoch wie de opkomst super goed. Foaral by de kabouters, 15 fan de 16 dienen mei! Sjoch hjirûnder de kabouters yn aksje.

15 kabouters hienen alles út 'e kast helle, heiten en memmen, omkes en tantes om mar sa goed mooglik út 'e bus te kommen. By Baukje Huitema pakte it hiel goed út: mei Aaltsje Kroes wûn sy de krâns troch op 5-2 6-0 te winnen fan Fenna Mud en Esther Cuperus. Twa moaie 3e prizen wienen foar de bewenners fan it Tsjemlân yn Gau, Wytse Broekhuis en Nyncke Winia. Beide keatsten se mei de heit, resp. Robin en Pieter. Yn de ferliezersfinale gie de winst nei Age Bakker en omke Pieter Paulusma troch winst op Herre Winia en Johan Cnossen, 5-3 6-6.

1. Baukje Huitema en Aaltsje Kroes 2. Fenna Mud en Esther Cuperus 3. Wytse Broekhuis en Robin Broekhuis en

Nyncke Winia en Pieter Winia; ferliezersrûnte: 1. Age Bakker en Pieter Paulusma 2. Herre Winia en Johan Cnossen

WELPEN

 Yn dizze klasse mei 11 partoeren wie de finale in Dearsumer-Poppenwierster treffen! Soan en heit Hidde en Johannes van Raalte wûnen sterk fan Thymen Krikke en Jelmer Drijfhout. In moaie 3de priis wie foar soan en heit Roel en Arjen Hofman. De ferliezersfinale waard fertsjinne wûn troch dochter en heit Amerine en Douwe Kiestra. Dochter en mem Layla Borkhuis en Anke Sieperda ferlearen dy partij op 5-3 6-0.

1. Hidde van Raalte en Johannes van Raalte 2. Thymen Krikke en Jelmer Drijfhout 3. Roel Hofman en Arjen Hofman; ferliezersrûnte: 1. Amerins Kiestra en Douwe Kiestra 2. Layla Borkhuis en Anke Sieperda

In moaie lytse list fan 7 partoeren pupillen. De  grutte slach fûn plak yn de earste omloop: Wiebe Huitema en Kristia Dotinga tsjin Esther Lootsma en omke Timen van Gelderen. Alles kaam oan 'e hang en de lêste punten wienen foar Wiebe en Kristia. En wat barde? Nei in tige spannende heale finale tsjin Tieme Holtrop en Marrit Oosterbaan (5-5 6-4) wie de finale net echt in probleem mear. Mare van der Goot en Ruurd Jan Leenstra bleauwen op trije earsten stean. De ferliezersfinale wie o sa iensidich. Esther en Timen wûnen op 5-1 6-4 fan soan en heit Jitse en Jasper Bakker (Jitse en Jasper ferlearen yn de earste omloop mar krekt fan Tieme en Marrit, 5-5 6-4!). Ja, it ferskil tusken wol of net in priis is soms lyts.

 Welpen (11 partoeren)

1. Wiebe Huitema en Kristia Dotinga 2. Mare van der Goot en Ruurd Jan Leenstra; ferliezersrûnte: 1. Esther Lootsma en Timen van Gelderen