Aaltsje en Siebrigje Nynke winne Muorrekeatstoernoai

It wie in gesellige drokte nei ôfrin fan it freedtejûntoernoai. It oantal dielnimmers wie by  de froulju wat minder as op de gebrûklike kompetysjejûn, mar wat wolst ek op in wykeinjûn, sadwaande!

De lotting fan de partijen giet fia in rankingsysteem. De spilers wurde yndield neffens sterkte. En it excel-programma dat derfoar skreaun is, wurket sá dat in minder sterke spiler by in wat sterkere spiler lotte wurdt of de bêste komt by de minste, ensafh.  

Mar der wurdt per groep ek lotte yn in A- en B-klas, wêrby't de bêsten yn it A-fjild spylje en de rest yn it B-fjild. Mar der binne ek minsken dy't sawol yn it A- as it B-fjild spylje. Dy sitte der dus wat tuskenyn. Ja, it is wat!   

Elke winstpartij levere fannejûn 12 punten op + it puntesaldo.

By de A's mocht elk 8 partijen spylje, 15 punten út. Yn dy klasse dienen 15 minsken mei, wêrfan 1 froulik persoan: Aaltsje Kroes. En wa wûn it: Aaltsje Kroes. Aaltsje is in spylster dy't 'fêst' oan 'e bal is en dat is in goede basis. Sy wûn as iennichste 7 fan de 8 partijen. Jelmer Drijfhout en Gerben Wierda kamen mar krekt achter har út. Dizze mannen wûnen 6 partijen.

Moai op tiid wienen de A's klear en mochten de B's oan 'e bak, de tiisdeitejûnploech. De 12 froulju spilen ek elk 8 partijen, 21 punten út. Twa froulju wûnen alle partijen en dy wienen elkoar ûnderweis dus net tsjinkommen: Siebrigje Nynke Boschma en Maureen Stok. Mar Sieb hie krekt wat in geunstiger puntesaldo, 40 tsjinoer 30. 

By útsûndering wienen der dizze jûn gjin minsken dy't alles wûnen.