De Foute Ledepartij senioaren

Op 28 juli 2024 om 11:00 uur

locatie: Goaiïngea

Fakânsjeledepartij senioaren

Op 17 augustus 2024 om 14:00 uur

locatie: Goaiïngea

Fakânsjepartij leden jeugd

Op 23 augustus 2024 om 16:00 uur

locatie: Goaiïngea

bekijk de hele agenda

Tsjerkebierpartij - Moniek Lootsma wint yn eigen hûs op 1ste klas

vrijdag 26 mei 2023

Goaiïngea. Op snein 14 maaie wienen de haadklas- en 1ste klasfroulju te gast yn Goaiïngea op de Tsjerkebierpartij. It waar wie goed, de minsken ek en it keatsen wie ek prima om oan te sjen. Spitich wie dat Andrea Kroes - in dei earder noch 2de op de haadklas yn Easterlittens - blessearre wie. Sadwaande moast der in frou út de 1ste klas oerhevele wurde nei de haadklas. De fjouwer haadklaspartoeren wienen wer kompleet, mar de 1ste klassers, dy't ek pûlkeatse soenen, bleauwen mei in gat sitten yn ien partoer.
It waard oplost, mar dêrtroch duorre it allegearre krekt even wat langer, mar sa as sein, it waar wie goed en it Tsjerkebier hie syn útwurking ek. Oan 'e ein fan 'e middei stienen de fertsjinne winners foar de kantine: Moniek Lootsma, Elly Hofman en Fiera de Vries. Yn de finale wûnen se op 5-3 6-6 fan Iris Veltman, de bylotte Rixt Fokkema en Ineke van der Ploeg. Rixt Fokkema moast mar even fiif partijen keatse, earst twa partijen yn har eigen pûl en doe twa partijen yn de oare pûl en doe noch de finale. Hoe krijst it sa!

Utslach 1ste klas (6 partoeren)
1. Moniek Lootsma (Goaiïngea), Elly Hofman (Ljouwert) en Fiera de Vries (Grins)
2. Iris Veltman (Dronryp), Rixt Fokkema (Grins) en Ineke van der Ploeg (Rie)

Sterke Ilse Tuinenga wint haadklaspartij

Yn de haadklas kamen yn de beslissende partij yn in pûl fan mar fjouwer partoeren de twa sterkste partoeren foar elkoar oer te stean: Annelien Broersma, Corrie Kroondijk en Marrit Zeinstra en it trio Ilse Tuinenga, Anne Monfils en Jennie Terpstra. Oan 3-3 gie it lykop, mar doe sette Ilse mei har opslach de turbo derop en rûnen se út nei 5-3. Op 5-3 6-6 kaam de bal net út it perk Kroondijk-Zeinstra.

Utslach haadklas (4 partoeren)
1. Ilse Tuinenga (Frjentsjer), Anne Monfils (Rotterdam) en Jennie Terpstra (Mantgum)
2. Annelien Broersma (Ljouwert), Corrie Kroondijk (Easterein) en Marrit Zeinstra (Ljouwert)