Prachtige opbringst Âldizeraksje

Sibrandabuorren, 8 juny 2023. Troch de ynset fan in protte leden fan de keatsclub is de Âldizeraksje wer in grut súkses wurden. De karren mei metalen rieden ôf en oan. Jo begripe net wêr't it guod alle jierren wer weikomt!

Ûnder lieding fan de 'eenarmige bandiet' Jan de Groot rûn alles wer soepel. Syn rjochterhân Albertsym Fekken stie him by (foto hjirûnder). Yn totaal wie de opbringst € 2.417,26, wêrfan € 639,16 ôfkomstich wie fan 'spesjaal izer'.