Winst foar Evert Sijbesma en Michel Nesse nei DLG-finale op Tiedema Dutch Open

Frjentsjer. It ôfrûne wykein 2 en 3 april wie yn sporthal De Trije it Tiedema Dutch Open, muorrekeatsen dus. Yn de B-klasse manlju timmeren twa DLG-formaasjes flink oan 'e dyk, ja, it levere twa finaleplakken op. En it gie derom! 
Evert: “Wy sieten yn in poule fan 6. De nûmers 1 en 2 fan moasten noch in finale spylje. Trije fan ‘e ‘doubles’ hienen 4 kear wûn. Wy hienen mei 21-14 fan de topfavoriten, de Britten, wûn en mei 21-19 fan Jelmer Drijfhout en Sjouke Beimers ferlern. Mar Jelmer Drijfhout en Sjouke Beimers ferlearen mei 21-16 fan de Britten. It gie dus om it puntetotaal en sa wienen wy 1 en Jelmer en Sjouke 2. Yn de finale kamen Jelmer en Sjouke mei 18-9 foar! Mar wy wûnen it krekt mei 21-20.”