Sieb en Sytze Jan winners fan it Muorrekeatstoernoai

Sibrandabuorren, 30 jannewaris 2022. Ferdield yn 2 klassen kamen 31 muorrekeatsers yn aksje foar it twadde toernoai yn dit winterskoft, no ja winterskoft….. De A-klassers spilen 6 partijen yn twatallen. De B-klassers waarden 8 kear lotte. 

B-klasse
By de B’s – besteande út 12 froulju en 3 jonges/mannen – rûnen twa froulju derút: Siebrigje Nynke Boschma en Marije Jonker. Beide wûnen hja 7 fan de 8 partijen en beide krigen dus 7 punten. It puntesaldo wie minimaal: 40 foar Siebrigje Nynke en 38 foar Marije; 4 punten der dus by foar Sybrigje Nynke en 3,8 foar Marije. In moaie 3de priis wie foar Maureen Stok mei 6 winstpartijen en 9 punten. De 4de priis kaam ta oan Sjoerdtsje Postma mei 5 winstpartijen en 6,3 punten.   
 
Boppe flnr: Marije Jonker, Sjoerdtsje Postma, Jan Feenstra (foar Sieb) en Maureen Stok
En links yn galatenú: Siebrigje Nynke.

A-klasse
By de A’s wienen 14 fan de 16 fan it manlike geslacht. Aaltsje en Andrea Kroes fertsjintwurdigen it oare geslacht. By de A’s sprongen Sytze Jan de Vries en Sybren Poelsma derút; der wienen 7 spilers dy’t 4 fan de 6 partijen wûn hienen. Ien fan harren wie Sytze Jan, mar Sybren wûn as iennichste 5 partijen. Mar de winst wie net foar him: oarsaak syn minimale puntesaldo fan 9; 6,6 punten foar Sytze Jan en 5,9 foar Sybren. In dield 3de plak kaam ta oan Sjoerd Atze de Jong en Andrea Kroes. Beide mei 5,5 punten.






  Boppe flnr : Andrea Kroes, Sjoerd Atze de Jong, Sytze Jan de Vries en Sybren Poelsma
 
Nei ôfrin teach in grutte ploech nei De Trilker yn Poppenwier foar in hapje en in sapje en tagelyk nei it optreden fan Sietse Haima.