Poll
Waar kaats je liever mee, met de grote (lucht)bal of met de kleine kaatsbal?
Agenda
Himmel & Skjin-Johannes Doumapartij leden jeugd
Op 27 april 2024 om 09:00 uur
locatie: Goaiïngea
Himmel&Skjin-Johannes Doumapartij leden senioaren
Op 27 april 2024 om 13:00 uur
locatie: Goaiïngea
Âlder-bernpartij
Op 9 mei 2024 om 12:00 uur
locatie: Goaiïngea
Prachtich Midsimmerjûnkeatsen mei de earste EDB Bouw-partij
zaterdag 2 juli 2022
Moaier waar as op dizze sneontemidde/-jûn koest net krije. De middeis om 4 oere gong de ledepartij foar de grutten los mei 12 partoeren, yn 1 klasse, ABC. Oppermachtich wie it partoer fan Marcel de Groot (prima keatsend), Rijkel Dotinga (nij lid út Drylts) en Oeds Broersma, al wie it yn de finale in knikkert op 'e kant tsjin Evert Sijbesma, Nynke Schipper en Antsje Kievit, 5-5 6-6. De 3de priis gie dus nei Sijbesma c.s. Yn de finale kaam it jonge partoer fan Sytze Jan de Vries, Folkert Yde Kievit en Jorrit de Jong ('herintreder!') der net echt oan te pas, 5-1 6-2. Yn de finale fan de ferliezersronde wûnen mei maksimale sifers, 5-0 6-0, Timen van Gelderen, Jochem Lootsma en Aaltsje Wesselius fan Keimpe Talsma, Catrinus Kooistra en Jelke de Vries.Van Gelderen c.s. ferlearen yn de earste omloop fan Marcel en syn maten op 5-2 6-2. Se kamen te gau en te folle achter en koenen dat net mear rjochtbreidzje. It bleau noch lang gesellich yn en om 'it Fintsje'. Wat in waar!
Nije sponsor fan dizze midsimmerpartij wie EDB Bouw fan Egbert de Bruin út Gau. Dit bedriuw is dus de opfolger fan Bakker TAB fan Wiggele Bakker út Skearnegoutum! Waarvan akte!
De útslaggen
1. Marcel de Groot, Rijkel Dotinga en Oeds Broersma
2. Sytze Jan de Vries, Folkert Yde Kievit en Jorrit de Jong
3. Evert Sijbesma, Nynke Schipper en Antsje Kievit
Ferliezersronde
1. Timen van Gelderen, Jochem Lootsma en Aaltsje Wesselius
2. Keimpe Talsma, Catrinus Kooistra en Jelke de Vries
Nieuws