De lytse list fan 7 partoeren wie op dizze hite snein yn augustus miskien ek wol in foardiel. Om dy reden wie de oanfangstiid op 9 oere setten. De reis nei de finale wie net iens sa dreech foar Wybrig Bakker, Corrie Kroondijk en Fiera de Vries (5-3 6-6 en 5-1 6-2), en dat jilde ek foar de oare finalisten, Serena Hovenga, Amarins de Groot en Aluca Bouma, dy’t mei presiis deselde sifers de tsjinstanner oan ‘e kant setten (5-1 6-2 en 5-3 6-6). It waard dan ek in echte finale, wêryn’t Hovenga c.s. hieltyd oan de goede kant fan de streep stienen mei de earsten. Oant 2-2 gie it lykop. De twa earsten dêrnei gienen beide op 6-6 nei Hovenga c.s. Bakker c.s. toanden fearkrêft troch goed spul en kamen werom ta 5-4. Yn it lêste earst waard Wybrig in sitbal ûntnommen ( foar safier’t wy sjen koenen ) en even letter hie Fiera in bal ‘oan’. Ja en dan krije jo in lytse knau. En sa waaide it kearske fan de hoop op de oerwinning út op 5-4 6-2.
Yn de ferliezersfinale rûnen Anna Rixt Miedema, Mintje Meintema en feterane Miranda Scheffer der sa trochhinne by Boukje Houtsma, ús âld-lid Jildou Ekema en Rixt Fokkema. It waard 5-1 6-2.
De útslach fan de KNKB froulju 1e klas frije formaasje ( 7 partoeren ):
1. Serena Hovenga (Marsum), Amarins de Groot (Mantgum) en Aluca Bouma (Grou)
2. Wybrig Bakker (Tersoal), Corrie Kroondijk (Easterein) en Fiera de Vries (Seisbierrum)
Werkânsing
1. Anna Rixt Iedema (Menaam),
