Keuzestress (mar net echt) by de jongerein nei ôfrin fan de Oprommerspartij

Goaiïngea, 1 juny 2022. Yn in wat lytsere setting as oars - der wienen leden dy't de Avondvierdaagse rinne moasten of oare legitime prioriteiten steld hiene - begong om middeis 4 oere de safolste Oprommerspartij. De bekers stienen al te pronkjen op in tafel yn de kantine en Gerrit van der Leeuw brocht oan it begjin fan 'e jûn de krânsen fan de fam. Anema út Wytmarsum.  ( Gerrit tsjin frou Anema: "Freed kom ik wer, wy ha wol 20 nedich , begjin alfêst mar te draaien."   Maar dit terzijde....En it wie net maklik foar de bern de goede beker út te sykjen. De priisútrikking duorre dêrtroch langer as normaal. As dat no 'keuzestress' is of net, it foel ek wol wer ta......      












9 Kabouters -  ien tsjin ien
De kaboutergroep wie as earste út.   Roel Hofman  út Gau kaam as 1ste út 'e bus en dat wie moai foar him! En nûmer 2 wie  Jildert Bakker  út Tersoal. It is syn earste jier en dan de 2de priis, krekt as in wike earder mei de Bern-âlderpartij! En der wie noch in ferrassing,  Thymen Krikke  fan de Koaiwei wûn de 3de priis nei in spannende partij tsjin Roel. De 1ste priis yn 'e ferliezersronde wie foar Wiebe Huitema fan Gau en n de 2de priis gie nei Layla Borkhuis fan Goaiïngea. En sa bleaunen der 4 kabouters oer dy't net echt yn 'e prizen foelen, mar wol in beker útsykje mochten.